شفتك بالحلم

جفك صار خيمه على العراق

ورايه فوك الراس

اوجهك ضوه الدنيه المايخمدونه

صورتك جبل ماراسه طخ فد يوم

بس لله الجليل وماكو من

دونه

وحبيتك شجاعه وسيف

وجفن للموت

عنك ماينزعونه

على جرح العراق

عيونك مفتحات

ومثلك بالشدايد مايجهبونه

حلو شفتك

مثل وجهه الكاع

ولمض نور التحدي

بجدحة عيونه

شفتك بالحلم وعمامتك عالراس

تاج من المكارم مايلوحونه

لسه عمامتك فوك العراق

السور

يظل واحد وطنه ومايفرقونه

شفتك عكازتك

ميزان بالشدات

رمح يلمض

بخت فنهم يطفونه

يالجفك الخير وفاض

عالصوبين

ولسه على العراق يفيض

ماعونه

نعم انته الصدر

واسمك علم ماطاح

علم هذا العراق

المايقسمونه