ذكرى وفاة الامام زين العابدين عليه السلام

المستهل
.....
ابو الباقر اليوم إيلوجْ ... مًريضْ وحالته حاله
والسِمْ مــَـردَ الچبدَ ...عليه إلتمـــتْ إعياله
......
القصيده
زين العـــــــــابين اليوم ...إيودع عليته بإدموعْ
الباقر يهل دمـــــــع العين ... إوسِكْنه حاله مفجوعْ
إسم إله عليك يالمـــــهموم ... والأيتام يمــه تلوعْ
الحرم من جمعه يم راسه ... بألم تنظر علـــى أحواله
عليه إلتمت إعياله
.........
زين العـــــــابدين إيلوج ... بسمــه ويذكر المظلوم
والصار وجــــره بالطف ... ويتحــــسر ألم وإهموم
يذكــر عطش چبد إحسين.. الدهر سن سيفه المحتوم
ظل إوحــــيد بين الگوم ... ولا واحـــــد تدناله
عليه إلتمت إعياله
.......
سكنه تناشده بلــــــوعه ... تهل إدموعها إوتنحـب
يبو الباقر يبعد العــــــين ... يخويه يومك إتگــرب
يروحي إنته أثر أهلــــي ... شخصك يالولي إمغرب
صــــــد إبناظــرليه ... نحبْ و المَـدْمعَ الساله
عليه إاتمت إعياله
...........
يَسِكْنه زينب الحــره ... من ودعت هالوليان
تنادي والگلب مهظوم... حرم وأيتام بالوديان
وعالغبرالجثث ضلت... وخذوها إميسرالعدوان
بحديد مچتفه عالنوگ ... تذكري إشلون ياحاله
عليه إلتمت إعياله
........
يگلــــه مصيبتچ سهله ... أكوا ناس اليدفنوني
الچفن مـــوجود يسكينه ... ولازم مــا تغسلوني
أبويه إحسين ظل عريان ... عــالتربان يعيوني
ماأنسه مصاب إحسين ... وراســه بيد چتاله
عليه ألتمت إعياله
.....
لا والـي البقه ونغار ... حتى يحن عالعيله
لمن حــرگوا إخيمنه ... يخويه أشلون من ليله
أهلهن عالترب نومــه ... الشمـر يسحگهن إبخَله
وما أنسه الجره خويه ... العدوا دم الدمع ســاله
عليه إلتمت إعياله
.............
تمت
عسى ان تتقبل رضاكم
ونسالكم الدعاء

السلام عليكم

شكرا اخي العزيز ابو مهند

عظم الله ادرك ورزقك شفاعة

السجاد

[color:2ed2=royalblue:2ed2]دمت موالياً